ᓱᖏᐅᑎᓂᕐᒧᑦ ᐋᓐᓂᐊᕐᕕᒃ ᓴᖅᑭᑎᑕᐅᓂᐊᖅᑐᖅ ᓄᓇᕗᒻᒧᑦ
ᑐᓴᒐᔅᓴᐃᑦ ᓴᖅᑭᑎᑕᐅᔪᑦ
ᒫᓐᓇᓵᖅ ᓴᖅᑭᑎᑕᐅᔪᒃᓴᑦ
ᑕᓕᒻᒥᖅ, ᐅᒡᒍᓯ 13th, 2021 — ᐃᖃᓗᐃᑦ, ᓄᓇᕗᑦ — ᒐᕙᒪᑦ ᓄᓇᕗᑦ, ᓄᓇᕗᑦ ᑐᙵᕕᒃ ᑎᒥᖁᑎᖏᑦ, ᓄᓇᖃᖅᑳᖅᓯᒪᔪᑦ ᐱᔨᑦᑎᕋᐅᑎᑦ ᑲᓇᑕ
ᐊᒥᓱᑦ ᓄᓇᕗᒻᒥᐅᑕᐃᑦ ᐃᓅᓯᖃᖅᑐᑦ ᐋᖅᑭᒃᑕᐅᓯᒪᙱᑦᑐᑦ ᖁᐊᖅᓵᖅᓯᒪᔪᑦ ᐊᒻᒪᓗ ᐊᒃᓱᕈᖅᑐᓄᑦ, ᐱᔾᔪᑎᒋᓪᓗᒋᑦ ᖃᓄᐃᓕᐅᖅᓯᒪᓂᑯᐃᑦ ᐆᑦᑑᑎᒋᓗᒍ ᖃᓄᐃᓕᐅᖅᓯᒪᓂᑯᐃᑦ ᐊᑐᖅᑕᐅᓯᒪᔪᑦ ᐊᒻᒪᓗ ᐊᒥᓱᑦ ᐃᓅᖃᑎᒌᒃᑐᑦ ᐅᑭᐅᖃᕐᓂᖏᑦ ᐊᔾᔨᒌᙱᑦᑐᑦ ᖁᐊᖅᓵᕐᓂᕐᒧᑦ ᐱᔾᔪᑎᒋᓪᓗᒍ ᐊᐅᓚᑕᐅᓂᕐᒧᑦ ᐊᓯᐊᓂᑦ ᓄᓇᓕᖃᖅᑐᒃᑯᑦ. ᐃᓅᓕᓴᐅᑎᑦ ᐊᑐᖅᑕᐅᔪᑦ ᐃᓄᐃᑦ ᐃᓕᖅᑯᓯᖏᑦ ᐅᑉᐱᕆᔭᐅᔪᑦ, ᐊᑐᖅᑕᐅᔪᑦ ᐊᒻᒪᓗ ᖃᐅᔨᒪᔭᐅᔪᑦ ᑐᙵᕝᕕᒋᔭᐅᔪᑦ ᒪᒥᓴᐃᓂᕐᒧᑦ ᐱᒋᐊᕈᓐᓇᖅᑐᑦ.
ᐅᓪᓗᒥ, ᒥᓂᔅᑕ ᐃᓄᓕᕆᔨᑐᖃᒃᑯᑦ, ᑖᓂᐅᓪ ᕙᓐᑕ, ᐊᒻᒪᓗ ᒐᕙᒪᑦ ᓄᓇᕗᑦ ᒥᓂᔅᑕ ᐋᓐᓂᐊᖅᑐᓕᕆᔨ, ᓗᐊᓐ ᑯᓱᒐᖅ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖁᑎ, ᐊᖏᔪᖅᑳᖅ ᐊᓗᑭ ᑰᖅᑎᖅ ᑐᓴᖅᑎᑦᑎᓚᐅᖅᑐᑦ $41.7 ᒥᓕᐊᓐ ᑮᓇᐅᔭᑦ ᐃᑲᔫᓯᐊᓂᒃ ᐊᑎᓕᐅᕈᑕᐅᕙᓪᓕᐊᔪᖅ ᓴᓇᓂᐊᕐᓗᑎᒃ ᓄᓇᕗᑦ ᓱᖏᐅᑎᓂᕐᒧᑦ ᐋᓐᓂᐊᕐᕕᒻᒧᑦ. ᑕᒪᓐᓇ ᑮᓇᐅᔭᑦ ᐃᑲᔫᓯᐊᑦ ᐱᐊᓂᒃᑕᐅᓂᐊᖅᑐᑦ ᓴᙱᔪᒥᑦ ᐱᖓᓱᓂᒃ ᓄᓇᓕᐸᐅᔭᖃᖅᑐᓂᒃ ᓯᓚᕐᔪᐊᒥ ᐃᑲᔪᖅᑎᒌᓐᓂᖅ ᑭᒡᒐᖅᑐᐃᔪᑦ ᓄᑖᒧᑦ ᐊᑎᓕᐅᖅᓯᒪᔪᑦ ᐊᒻᒪᓗ ᐃᑲᔪᖅᑕᐅᔪᑦ ᑐᓂᕐᕈᓯᐊᑦ ᐊᖏᕈᑎᓄᑦ ᑕᒪᒃᑭᓐᓄᑦ ᑲᑐᔾᔨᖃᑎᒌᖑᔪᓄᑦ, ᐊᒻᒪᓗ ᐊᑎᓕᐅᖅᑕᐅᔪᑦ ᑐᒃᓯᕋᐅᑎᑦ ᑐᑭᓯᐊᔾᔪᑎᓄᑦ ᓄᓇᕗᑦ ᐃᑲᔪᖅᑎᒌᒃᑐᓄᑦ ᑲᑎᒪᔨᑦ ᐋᓐᓂᐊᖅᑐᓕᕆᔨᒃᑯᓐᓂᑦ.
ᓄᓇᕗᑦ ᓱᖏᐅᑎᓂᕐᒧᑦ ᐋᓐᓂᐊᕐᕕᒃ ᑐᓂᓯᓂᐊᖅᑐᑦ ᐊᔾᔨᒌᙱᑦᑐᓂᒃ ᐃᓅᓕᓴᐅᑎᓂᒃ ᐊᒻᒪᓗ ᒪᒥᓴᕐᓂᕐᒧᑦ ᐊᓯᙳᕐᓂᕐᒧᑦ ᐱᔾᔪᑎᖃᕐᓂᐊᖅᑐᑦ ᑕᒪᒃᑭᓐᓄᑦ ᐋᖓᔮᕐᓇᖅᑐᓄᑦ ᐊᑐᖅᑕᐅᔪᑦ ᐊᒻᒪᓗ ᖁᐊᖅᓵᖅᑐᓄᑦ, ᐊᒻᒪᓗ ᓇᓂᔭᐅᓂᐊᖅᑐᖅ ᐊᒻᒪᓗ ᓴᖅᑭᑎᑕᐅᓂᐊᖅᑐᖅ ᐊᑐᕐᓗᒋᑦ ᐃᓕᖅᑯᓯᕆᔭᐅᔪᑦ ᐃᓄᐃᑦ ᐊᑐᖅᑕᖏᓐᓄᑦ ᐊᒻᒪᓗ ᐅᑉᐱᕆᔭᐅᔪᓄᑦ.
ᓱᖏᐅᑎᓕᕆᓂᕐᒧᑦ ᐊᒻᒪᓗ ᐃᓚᒌᒃᑲᓐᓂᕐᓂᕐᒧᑦ ᑲᒥᓴᓇᒃᑯᑦ ᐊᑐᓕᖁᔭᐅᓯᒪᔪᑦ #21 ᐅᖃᐅᓯᕆᔭᐅᔪᖅ ᒐᕙᒪᕐᔪᐊᒃᑯᓐᓂᑦ ᓇᓗᓇᐃᔭᐃᑦᑎᐊᕐᓂᐊᕐᓗᑎᒃ ᑮᓇᐅᔭᑦ ᐃᑲᔫᓯᐊᓂᒃ ᒪᒥᓴᐃᓂᕐᒧᑦ ᐋᓐᓂᐊᕐᕕᒧᑦ ᓄᓇᕗᒻᒥ ᐊᒻᒪᓗ ᓄᓇᑦᑎᐊᕗᒻᒥ. ᕿᑭᖅᑖᓂ ᓱᖏᐅᑎᓂᕐᒧᑦ ᑲᒥᓴᓇ ᐅᖃᐅᓯᖃᖅᓯᒪᔪᑦ ᑲᓇᑕ ᐊᒻᒪᓗ ᓄᓇᕗᑦ ᓇᓗᓇᐃᔭᐃᓂᐊᕐᓗᑎᒃ ᐋᓐᓂᐊᖅᑐᓕᕆᓂᖅ, ᐃᓅᖃᑎᒌᓐᓂᕐᒧᑦ ᐊᒻᒪᓗ ᐃᓕᓐᓂᐊᕐᓂᕐᒧᑦ ᐱᔨᑦᑎᕋᐅᑎᑦ ᐊᑐᐃᓐᓇᐅᓂᐊᕐᓂᖏᑦ ᐊᔾᔨᒌᒃᑐᒃᑯᑦ ᑕᐃᒃᑯᓄᖓ ᓯᓚᑖᓃᑦᑐᑦ ᐃᓄᐃᑦ ᓄᓇᖓᓐᓂᑦ.
ᐃᓕᑕᕆᔭᐅᔪᑦ ᓄᓇᕗᑦ ᓱᖏᐅᑎᓂᕐᒧᑦ ᐋᓐᓂᐊᕐᕕᒃ ᐃᓚᒋᔭᐅᔭᕆᐊᖃᖅᑐᖅ ᐋᖅᑭᒃᓯᒪᔪᒃᑯᑦ ᐊᑕᖏᖅᓯᒪᔪᒃᑯᑦ ᐱᖓᓱᒃᑯᑦ-ᐱᒻᒪᕆᐅᔪᒃᑯᑦ ᐱᒋᐊᕐᓂᖅ ᐃᓚᖃᖅᑐᑦ ᓄᓇᒥ ᐃᓅᓕᓴᐅᑎᓂᕐᒧᑦ ᑕᒪᒃᑭᓐᓂ ᐱᖓᓱᑦ ᓄᓇᕗᒻᒥ ᐊᕕᒃᓯᒪᔪᑦ ᓄᓇᓕᖃᖅᑐᓂᑦ ᐊᒻᒪᓗ ᒪᒥᓴᐃᓂᕐᒧᑦ, ᐊᒻᒪᓗ ᐃᑲᔪᕐᓗᒋᑦ ᐱᒋᐊᒃᑲᓐᓂᕐᓗᒋᑦ ᐃᓄᐃᑦ ᐱᓕᕆᐊᒃᓴᓄᑦ ᐱᕙᓪᓕᐊᓂᖅ ᐊᒻᒪᓗ ᐃᓂᖃᖅᑎᑦᑎᓂᕐᒧᑦ. ᐱᓕᕆᐊᒃᓴᖅ ᐋᖅᑭᒃᐸᓪᓕᐊᓗᒋᑦ ᑖᒃᑯᓄᖓ ᐊᖏᕈᑕᐅᔪᓄᑦ ᓴᖅᑭᑎᑦᑎᔪᑦ ᐱᒋᐊᕈᑕᐅᓂᐊᖅᑐᓄᑦ ᓴᖅᑭᑎᑕᐅᔪᑦ ᐱᐊᓂᒃᑕᐅᔪᓐᓇᖅᑐᓄᑦ ᖃᐅᔨᓴᕐᓂᖅ ᐅᖃᐅᓯᕆᔭᐅᓯᒪᔪᑦ ᒐᕙᒪᑦ ᓄᓇᕗᑦ, ᓄᓇᕗᑦ ᑐᙵᕕᒃ ᑎᒥᖁᑎᖏᑦ, ᐊᓯᖏᑦ ᓄᓇᕗᑦ ᐃᑲᔪᖅᑎᒌᒃᑐᑦ ᐊᒻᒪᓗ ᒐᕙᒪᑦ ᑲᓇᑕ ᕕᕝᕗᐊᕆ 2018−ᖑᑎᓪᓗᒍ. ᓇᔪᕐᕕᖓ ᐃᖃᓗᐃᑦ, ᓄᓇᕗᑦ, ᐋᓐᓂᐊᕐᕕᒃ ᐃᓚᖃᕐᓂᐊᖅᑐᖅ ᐱᔨᑦᑎᕋᐅᑎᓄᑦ ᐊᒻᒪᓗ ᓄᓇᓕᒥ ᐃᑲᔪᖅᑕᐅᓂᕐᒧᑦ ᓄᓇᕗᓕᒫᒥ.
ᑐᓂᕐᕈᓯᐊᖅ ᐊᖏᕈᑎᖓ ᐊᒻᒪᓗ ᑐᒃᓯᕋᐅᑎ ᑐᑭᓯᐊᔾᔪᑎᒃᓴᐃᑦ, ᑎᑎᕋᖅᓯᒪᔪᑦ ᐱᓕᕆᐊᒃᓴᕆᔭᐅᔪᑦ ᐊᒻᒪᓗ ᑲᒪᒋᔭᐅᔭᕆᐊᖃᖅᑐᑦ ᓴᓇᓂᐊᖅᑐᓄᑦ ᐊᒻᒪᓗ ᑲᔪᓯᓂᕐᒧᑦ ᐊᐅᓚᑕᐅᔪᑦ ᓄᓇᕗᑦ ᓱᖏᐅᑎᓂᕐᒧᑦ ᐋᓐᓂᐊᕐᕕᒻᒧᑦ, ᖃᓄᐃᓐᓂᖓ ᓱᓕᔪᒃᑯᑦ ᓱᓕ ᐅᖃᖃᑎᒌᔭᕆᐊᖃᖅᑐᑦ ᓄᓇᕗᑦ ᐃᑲᔪᖅᑎᒌᓐᓂᕐᒧᑦ ᑲᑎᒪᔪᑦ ᐋᓐᓂᐊᖅᑐᓕᕆᔨᒃᑯᓐᓂ ᐊᒻᒪᓗ ᐱᒋᐊᕈᑎᒋᓂᐊᕐᓗᒋᑦ ᐃᑲᔪᖅᑎᒌᓐᓂᕐᒧᑦ ᐊᖏᕈᑎᑦ ᐱᔾᔪᑎᒋᔭᐅᓂᐊᖅᑐᓄᑦ ᑎᑎᕋᖅᓯᒪᔪᑦ ᐱᓕᕆᐊᒃᓴᕆᔭᐅᔪᓄᑦ ᐊᒻᒪᓗ ᑲᒪᒋᔭᐅᔭᕆᐊᖃᖅᑐᓄᑦ ᐃᒻᒥᒍᑦ ᑲᑎᒪᔨᓄᑦ ᓄᓇᕗᑦ ᐃᑲᔪᖅᑎᒌᓐᓂᕐᒧᑦ ᑲᑎᒪᔨᑦ ᐋᓐᓂᐊᖅᑐᓕᕆᔨᒃᑯᓐᓄᑦ ᓴᓇᔭᐅᓂᐊᖅᑐᓄᑦ ᐊᒻᒪᓗ ᑲᔪᓯᓂᕐᒧᑦ ᐊᐅᓚᑕᐅᓂᐊᖅᑐᓄᑦ ᓄᓇᕗᑦ ᓱᖏᐅᑎᓂᕐᒧᑦ ᐋᓐᓂᐊᕐᕕᒻᒧᑦ.
ᐊᐅᓚᑦᑎᓂᕐᒧᑦ ᑲᒪᑕᐅᔪᑦ ᓇᕗᑦ ᐃᑲᔪᖅᑎᒌᓐᓂᕐᒧᑦ ᑲᑎᒪᔨᑦ ᐋᓐᓂᐊᖅᑐᓕᕆᔨᒃᑯᑦ ᓇᓗᓇᐃᔭᐃᔪᑦ ᐱᔨᑦᑎᕋᐅᑎᑦ ᑲᒪᒋᔭᐅᓂᐊᕐᓂᖏᓐᓄᑦ ᐃᓄᐃᑦ−ᐊᐅᓚᑕᐅᔪᒃᑯᑦ ᐊᒻᒪᓗ ᓇᓗᓇᐃᔭᐃᔪᑦ ᐊᑐᖅᑕᐅᓂᐊᖅᑐᑦ ᐃᓕᖅᑯᓯᕆᔭᐅᔪᒃᑯᑦ ᓴᙱᓂᐅᕆᔭᐅᔪᒃᑯᑦ ᐊᒻᒪᓗ ᐃᓄᐃᑦ ᐃᓅᖃᑎᒌᓐᓂᕐᒧᑦ ᐅᑉᐱᕆᔭᐅᔪᓄᑦ. ᐃᑲᔪᖅᑎᒌᑦ ᐃᑲᔪᖅᑎᒌᒃᑐᑦ ᐃᑲᔪᖅᑐᑦ ᐃᓄᓐᓄᑦ ᑐᑭᖃᖅᑐᒥᑦ ᐊᒻᒪᓗ ᐱᒋᐊᕈᑎᒋᓂᐊᕐᓗᒋᑦ ᐊᑐᕐᓗᒋᑦ ᐋᓐᓂᐊᖅᑐᓕᕆᓂᕐᒧᑦ ᓯᕗᓪᓕᐅᔭᕆᐊᖃᖅᑐᓂᒃ, ᐊᒻᒪᓗ ᐱᔾᔪᑎᒋᓂᐊᕐᓗᒋᑦ ᐃᓕᖅᑯᓯᕆᔭᐅᔪᑦ ᐃᓚᖃᕐᓂᐊᕐᓗᑎᒃ ᐱᒋᐊᕈᑕᐅᔪᓄᑦ ᓇᓗᓇᐃᔭᖅᑕᐅᓯᒪᔪᓄᑦ ᓴᙱᓂᒃᑯᑦ ᐃᑲᔪᖅᑎᒌᓐᓂᕐᒧᑦ ᓄᓇᓕᖃᖅᑐᓄᑦ ᐊᒻᒪᓗ ᓄᓇᕗᒻᒥ ᐊᑐᖅᑕᐅᔪᒃᑯᑦ.
ᒐᕙᒪᑦ ᑲᓇᑕ ᐱᔪᒪᓂᖃᒻᒪᕆᒃᑐᑦ ᓄᑖᙳᖅᓯᒪᔪᓄᑦ ᐃᓄᐃᑦ−ᐊᑭᑐᔫᑎᖏᑎᒍᑦ ᐃᑲᔪᖅᑎᒌᓐᓂᕐᒧᑦ ᐱᕚᓪᓕᕆᐊᕈᑎᒋᓗᒋᑦ ᐊᑲᐅᙱᓕᐅᕈᑕᐅᔪᓄᑦ ᐱᒻᒪᕆᐅᓂᖅᐹᖑᔪᓄᑦ, ᐃᓚᒋᓗᒋᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪᓗ ᐃᓅᑦᑎᐊᕐᓂᕐᒧᑦ.
ᐅᖃᐅᓯᑦ
"ᑖᓐᓇ ᐃᑲᔪᖅᑎᒌᓐᓂᖅ ᐊᐅᓚᕙᓪᓕᐊᓂᐊᖅᑐᑦ ᑐᑭᓯᐊᓇᑦᑎᐊᖅᑐᒃᑯᑦ ᓄᖅᑲᕈᓐᓇᐃᓪᓕᔪᓄᑦ ᐃᓅᓕᓴᐅᑎᓂᕐᒧᑦ ᐱᔾᔪᑎᖃᕐᓂᐊᖅᑐᑦ ᑕᒪᒃᑭᓐᓄᑦ ᐃᓕᖅᑯᓯᕆᔭᐅᔪᒃᑯᑦ ᐊᒻᒪᓗ ᐋᓐᓂᐊᕐᕕᒻᒥ ᒪᒥᓴᐃᓂᕐᒧᑦ ᐊᑐᖅᑕᐅᔪᓂᒃ ᐱᔾᔪᑎᖃᕐᓗᑎᒃ ᓄᓇᕗᒻᒥᐅᑕᐅᓄᑦ ᐃᓅᓕᓴᐅᑎᒋᔭᐅᓂᐊᕐᓗᑎᒃ ᐊᖏᕐᕋᒥ ᖃᓂᓐᓂᖅᓴᐅᔪᒥ. ᓄᓇᕗᑦ ᓱᖏᐅᑎᓂᕐᒧᑦ ᐋᓐᓂᐊᕐᕕᒃ ᓇᓗᓇᐃᔭᐃᓂᐊᕐᑐᑦ ᐃᓄᐃᑦ ᖃᐅᔨᒪᔭᑐᖃᖏᑦ ᓯᕗᓪᓕᐅᑎᑕᐅᓂᐊᕐᓂᖏᓐᓄᑦ ᐱᔨᑦᑎᕋᐅᑎᓄᑦ ᐋᖓᔮᕐᓇᖅᑐᓄᑦ ᓄᖅᑲᕈᓐᓇᐃᓪᓕᔪᓄᑦ ᐃᓅᓕᓴᐅᑎᓂᕐᒧᑦ ᐱᔨᑦᑎᕋᐅᑎᑦ ᓄᓇᓕᒋᔭᑦᑎᓐᓄᑦ ᐊᒻᒪᓗ ᐱᒋᐊᒃᑲᓐᓂᕈᑎᒋᔭᐅᓂᐊᕐᓗᑎᒃ ᒐᕙᒪᒃᑯᑦ ᑐᕌᒋᔭᖏᑦ ᐱᒻᒪᕆᐅᒋᔭᐅᔪᓄᑦ ᓄᓇᕗᒻᒥ ᒥᐊᓂᕆᔭᐅᓂᕐᒧᑦ."
ᐅᐱᓐᓇᖅᑐᖅ ᓗᐊᓐ ᑯᓱᒐᖅ
ᓄᓇᕗᑦ ᒥᓂᔅᑕ ᐋᓐᓂᐊᖅᑐᓕᕆᔨᒃᑯᓐᓄᑦ
ᐊᓕᐊᓇᐃᒍᓱᒃᑐᒍᑦ ᐃᓱᐊᓈᕈᑎᒃᓴᓄᑦ ᐱᓕᕆᖃᑎᒋᓗᒋᑦ ᑕᒪᒃᑭᒃ ᒐᕙᒪᕐᔪᐊᒃᑯᑦ ᐊᒻᒪᓗ ᐊᕕᒃᓯᒪᔪᑦ ᓄᓇᓕᖃᖅᑐᑦ ᒐᕙᒪᖏᑦ, ᐃᑉᐱᒋᑦᑎᐊᕐᓂᒃᑯᑦ ᐃᑲᔪᖅᑎᒌᓐᓂᕐᒧᑦ ᐊᒻᒪᓗ ᐃᓚᒌᒃᑲᓐᓂᕈᓐᓇᕐᓂᕐᒧᑦ, ᐅᖃᐅᓯᕆᓂᐊᕐᓗᒋᑦ ᐱᔭᐅᔭᕆᐊᖃᖅᑐᑦ ᐋᖅᑭᒃᓯᒪᔪᑦ−ᐊᑕᖏᖅᓯᒪᔪᒃᑯᑦ ᐱᒋᐊᕐᓗᒋᑦ ᐋᖓᔮᕐᓇᖅᑐᓄᑦ ᐊᑐᖅᑕᐅᔪᑦ ᐊᒻᒪᓗ ᖁᐊᖅᓵᖅᑐᓄᑦ ᐃᓅᓕᓴᐅᑎᓄᑦ ᓄᓇᕗᒻᒥ. ᐱᔾᔪᑎᒋᓗᐊᖅᑕᕗᑦ ᐃᓱᒫᓘᑎᒋᔭᒃᑯᑦ ᑐᕌᒋᔭᕗᑦ ᓄᓇᕗᒻᒥ ᓱᖏᐅᑎᓂᕐᒧᑦ ᐋᓐᓂᐊᕐᕕᒃ ᑕᐃᒪᐅᖏᓐᓇᖅᑐᖅ ᐱᔭᐅᔭᕆᐊᖃᖅᑐᑦ ᓇᓗᓇᐃᔭᐃᔭᕆᐊᖃᖅᑐᖅ ᓄᓇᕗᒻᒥ ᓱᖏᐅᑎᓂᕐᒧᑦ ᐋᓐᓂᐊᕐᕕᒃ ᑐᙵᕝᕕᖃᕐᓗᓂ ᐃᓄᐃᑦ ᐅᖃᐅᓯᖏᑎᒍᑦ ᐊᒻᒪᓗ ᐃᓕᖅᑯᓯᖏᑎᒍᑦ, ᓴᙱᔪᒃᑯᑦ ᐃᓚᒋᔭᐅᔪᓐᓇᕐᓗᑎᒃ ᓄᓇᓕᒥ−ᐊᑐᖅᑕᐅᔪᑦ ᓄᓇᒥ ᐱᓕᕆᐊᒃᓴᓄᑦ, ᓯᕗᓪᓕᐅᑎᒋᔭᕗᑦ, ᐃᓄᐃᑦ ᐱᓕᕆᐊᒃᓴᖏᑦ ᓴᖅᑭᑎᑕᐅᓂᖅ, ᐊᒻᒪᓗ ᐃᑲᔪᖅᑐᑦ ᑲᔪᓯᓂᕐᒧᑦ ᓯᕗᓂᒧᑦ ᓱᖏᐅᑎᓂᕐᒧᑦ ᐊᒻᒪᓗ ᒪᒥᓴᐃᓂᕐᒧᑦ ᐃᓄᓐᓄᑦ ᓄᓇᕗᒻᒥ. ᖃᐅᔨᒪᔪᒍᑦ ᐃᓄᐃᑦ ᓱᖏᐅᑎᒍᓐᓇᖅᑐᑦ, ᑭᓯᐊᓂ ᑐᓴᖅᑎᑦᑎᒋᐊᖃᖅᑐᒍᑦ ᐊᑲᐅᙱᓕᐅᕈᑕᐅᔪᓄᑦ ᐊᑯᓂᐅᔪᒃᑯᑦ ᑲᒪᒋᔭᐅᔪᑦ ᐃᓄᐃᑦ ᐃᓚᒋᔭᐅᓂᖏᑕ ᓄᓇᕗᑦ ᑲᑐᔾᔨᖃᑎᒌᖑᔪᓂᑦ. ᓄᓇᕗᑦ ᓴᖅᑭᑎᑕᐅᓚᐅᖅᑐᖅ ᓴᐳᒻᒥᓂᐊᕐᓗᒋᑦ ᐊᒻᒪᓗ ᑲᔪᓯᓂᐊᕐᓗᑎᒃ ᓴᙱᓕᕚᓪᓕᕐᓂᕐᒧᑦ ᐅᖃᐅᓯᕗᑦ ᐊᒻᒪᓗ ᐃᓕᖅᑯᓯᕆᔭᑦᑎᓐᓄᑦ."
ᐊᓗᑭ ᑰᑦᑎᖅ
ᐊᖏᔪᖅᑳᖅ ᓄᓇᕗᑦ ᑐᙵᕕᒃ ᑎᒥᖁᑎᖏᑦ
ᑎᒍᒥᐊᖅᑎᑦ ᐅᖃᐅᓯᓄᑦ ᓄᓇᕗᑦ ᑐᙵᕕᒃ ᑎᒥᖁᑎᖏᑦ
"ᑕᖅᑮᑦ ᐊᒥᓱᑲᓪᓚᐃᑦ ᑭᖑᓂᐊᓂ, ᐊᑐᖅᑕᐅᔪᑦ ᖃᖓᓕᒫᖅ ᓴᖅᑭᓚᐅᖅᓯᒪᙱᑦᑐᖅ ᓯᓚᕐᔪᐊᒥ ᓄᕙᖕᓇᒡᔪᐊᖅ−19 ᐋᓐᓂᐊᕐᓇᖅᑐᖅ, ᐱᓕᕆᐊᖃᐃᓐᓇᖅᑐᒍᑦ ᐊᒃᓱᕈᖅᑐᑕ ᐃᑲᔪᖅᑎᒌᓐᓂᒃᑯᑦ ᒐᕙᒪᑦ ᓄᓇᕗᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖁᑎᖏᓪᓗ ᐱᒋᐊᒃᑲᓐᓂᕈᑎᒋᓗᒋᑦ ᐸᕐᓇᐅᑕᐅᔪᑦ ᓴᓇᓂᐊᕐᓂᕐᒧᑦ ᐊᒻᒪᓗ ᓴᖅᑭᑎᑦᑎᓂᐊᕐᓗᑎᒃ ᓄᓇᕗᑦ ᓱᖏᐅᑎᓂᕐᒧᑦ ᐋᓐᓂᐊᕐᕕᒻᒧᑦ. ᑖᓐᓇ ᐋᓐᓂᐊᕐᕕᒃ ᐱᓗᐊᒃᑲᓐᓂᕈᑎᒋᔭᐅᓂᐊᖅᑐᖅ ᓴᓇᔭᐅᓂᐊᖅᑎᓪᓗᒍ ᐊᒻᒪᓗ ᓴᖅᑭᑎᑕᐅᓂᐊᕐᓗᒍ; ᐱᔾᔪᑎᒋᔭᐅᓂᖓ ᐱᒻᒪᕆᐅᔪᖅ ᐃᓕᖅᑯᓯᕆᔭᐅᔪᒃᑯᑦ ᐊᑦᑕᕐᓇᙱᑦᑐᒃᑯᑦ ᒪᒥᓴᐃᓂᕐᒧᑦ, ᐱᔪᒪᔭᐅᑦᑎᐊᖅᑐᑦ ᐃᑲᔪᖅᑎᒌᒃᑲᓐᓂᕈᓐᓇᕐᓂᕐᒧᑦ, ᐊᒻᒪᓗ ᐱᒻᒪᕆᐅᔪᒃᑯᑦ ᐱᓕᕆᐊᕆᔭᐅᔪᑦ ᐃᓅᓕᓴᐃᓂᕐᒧᑦ ᐊᑐᕐᓗᒋᑦ ᐃᓄᐃᑦ ᐱᖅᑯᓯᖏᑎᒍᑦ. ᓂᕆᐅᑦᑎᐊᖅᑐᒍᑦ ᐋᓐᓂᐊᕐᕕᒃ ᐱᔨᑦᑎᕋᕐᓂᐊᕐᓗᓂ ᓇᔪᕐᕕᒋᓗᒍ ᐃᓄᓐᓄᑦ ᕿᒥᕐᕈᐊᖅᑐᑦ ᐃᓅᓕᓴᐅᑎᒧᑦ ᐃᓱᐊᓈᕈᑎᒃᓴᓂᒃ ᐊᒻᒪᓗ ᖃᐅᔨᒪᓂᐊᕐᓗᑎᒃ ᑭᓯᒻᒥᐅᙱᒻᒪᑕ ᐃᖏᕐᕋᑎᓪᓗᒋᑦ."
ᐅᐱᓐᓇᖅᑐᖅ ᒫᒃ ᒥᓗ, P.C., M.P.
ᒥᓂᔅᑕ ᓄᓇᖃᖅᑳᖅᓯᒪᔪᑦ ᐱᔨᑦᑎᕋᐅᑎᑦ
"ᐊᑐᖅᑕᐅᔪᑦ ᑐᙵᕝᕕᒋᔭᐅᔪᑦ ᐅᑭᐅᖅᑕᖅᑐᒥ ᐊᒻᒪᓗ ᐅᑭᐅᖅᑕᖅᑐᖅ ᐊᑐᐊᒐᓄᑦ ᐱᓕᕆᐊᒃᓴᑦ, ᒐᕙᒪᑦ ᑲᓇᑕᒃᑯᑦ ᐃᓱᒪᒋᔭᖃᖅᑐᑦ ᓄᓇᒧᑦ, ᓄᓇᓕᖃᖅᑐᑦ ᐊᒻᒪᓗ ᒪᒥᓴᐃᓂᕐᒧᑦ ᐊᕕᒃᑕᐅᔪᓐᓇᙱᑦᑐᑦ ᓴᖅᑭᑎᑕᐅᓂᐊᖅᑐᓄᑦ ᐊᒻᒪᓗ ᑕᒪᓐᓇ ᐃᑲᔪᖅᑎᒌᓐᓂᖅ ᐱᒻᒪᕆᐅᔪᖅ ᐃᑲᔪᕐᓂᐊᕐᓗᒋᑦ ᐱᕈᖅᐸᓪᓕᐊᔪᑦ ᐃᓚᒌᒃᑐᓄᑦ ᐊᒻᒪᓗ ᓄᓇᓕᖃᖅᑐᓄᑦ ᐅᑭᐅᖅᑕᖅᑐᒥ. ᓄᓇᕗᑦ ᓱᖏᐅᑎᓂᕐᒧᑦ ᐋᓐᓂᐊᕐᕕᒃ ᓄᓇᕗᒻᒥ ᐱᔾᔪᑎᖃᕐᓂᐊᖅᑐᖅ ᒪᒥᓴᐃᓂᕐᒧᑦ ᑲᒪᒋᔭᐅᓂᐊᕐᓗᑎᒃ ᓄᓇᒥ ᐊᒻᒪᓗ ᐋᓐᓂᐊᕐᕕᒻᒥ ᐃᓄᐃᑦ ᐃᓕᖅᑯᓯᖏᑎᒍᑦ ᐊᑐᕐᓂᐊᖅᑐᑦ ᐊᒻᒪᓗ ᐅᑉᐱᕆᔭᐅᔪᓄᑦ ᐱᒻᒪᕆᐅᓂᖅᐹᖑᔪᒃᑯᑦ. ᑖᓐᓇ ᑮᓇᐅᔭᓕᐅᕈᑕᐅᔪᒃᑯᑦ ᐱᓪᓚᕆᔭᐅᔪᒪᔪᑦ ᐱᕚᓪᓕᕆᐊᕐᓗᒋᑦ ᓄᓇᓕᒥ−ᐊᑐᖅᑕᐅᔪᑦ ᑭᐅᔾᔪᑎᑦ ᐊᑲᐅᙱᓕᐅᕈᑕᐅᔪᓄᑦ ᐃᓱᒪᒃᑯᑦ ᐋᓐᓂᐊᖅᑐᓄᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᒻᒪᓗ ᐋᖓᔮᕐᓇᖅᑐᒧᑦ ᓄᖅᑲᒍᓐᓇᐃᓪᓕᔪᓄᑦ ᐊᑐᖅᑐᓄᑦ ᐊᔾᔨᒋᔭᐅᙱᑦᑐᒃᑯᑦ ᐊᑐᖅᑕᐅᔪᑦ ᐃᓄᐃᑦ ᐃᓕᖅᑯᓯᖏᑎᒍᑦ ᐊᑐᖅᑕᐅᔪᓂᒃ ᐊᒻᒪᓗ ᐅᑉᐱᕆᔭᐅᔪᒃᑯᑦ."
ᐅᐱᓐᓇᖅᑐᖅ ᑖᓂᐅᓪ ᕙᓐᑎᐅᓪ, P.C., M.P.
ᒥᓂᔅᑕ ᐃᓄᓕᕆᔨᑐᖃᒃᑯᑦ
ᑕᐃᒪᐅᔪᑦ ᐱᓪᓚᕆᐅᔪᑦ
- $41.7 ᒥᓕᐊᓐ ᑮᓇᐅᔭᑦ ᐃᑲᔫᓯᐊᑦ ᐃᓚᒋᔭᐅᔪᑦ ᒐᕙᒪᕐᔪᐊᒃᑯᑦ ᐱᔪᒪᓂᖏᑕ ᐃᑲᔪᕐᓂᐊᕐᓗᒍ ᑎᑭᓪᓗᒍ 75% ᓴᓇᔭᐅᓂᐊᖅᑐᒧᑦ ᐊᑭᖓᓄᑦ ᐃᑲᔪᖅᑎᒌᓐᓂᒃᑯᑦ ᑲᑎᒪᔨᒃᑯᑦ ᓄᓇᕗᑦ ᐃᑲᔪᖅᑎᒌᑦ ᑲᑎᒪᔪᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪᓗ ᐃᓚᒋᔭᐅᔪᖅ $47.5 ᒥᓕᐊᓐ ᐊᑐᖅᑕᐅᓂᐊᖅᑐᑦ ᑕᓪᓕᒪᓄᑦ ᐅᑭᐅᑦ ᓯᕗᓂᐊᓂ (2019 ᑎᑭᓪᓗᒍ 2024-25) ᐊᒻᒪᓗ $9.7 ᒥᓕᐊᓐ ᑲᔪᓯᓂᕐᒧᑦ ᐃᑲᔪᕐᓂᖅ ᖁᐊᖅᓵᖅᑐᓄᑦ ᐊᒻᒪᓗ ᐋᖓᔮᕐᓇᖅᑐᓄᑦ ᓄᖅᑲᕈᓐᓇᐃᓪᓕᔪᑦ ᐃᓅᓕᓴᐅᑎᓂᕐᒧᑦ ᐱᒋᐊᖅᑎᓪᓗᒋᑦ ᑎᑎᕋᖅᓯᒪᔪᑦ ᑮᓇᐅᔭᑦ ᐊᑐᖅᑕᐅᓂᐊᖅᑐᓂ 2019.
- ᐱᓕᕆᐊᕆᔭᐅᔪᓐᓇᖅᑐᓄᑦ ᖃᐅᔨᓴᕐᓂᖅ, ᑲᒪᒋᔭᐅᓚᐅᖅᑐᑦ ᐅᖃᐅᔾᔪᖅᑕᐅᓂᒃᑯᑦ ᐱᒋᐊᕈᑕᐅᔪᑦ ᒪᓕᓪᓗᒍ ᐊᑐᐊᒐᖅ 32 ᓄᓇᕗᑦ ᐊᖏᕈᑎᖏᑦ, ᑎᑎᕋᖅᓯᒪᔪᑦ ᐱᔭᐅᔭᕆᐊᖃᖅᑐᑦ ᐱᖓᓱᓂᒃ ᐱᒻᒪᕆᐅᔪᓂᒃ ᑐᙵᕝᕕᖃᕐᓗᑎᒃ ᐱᒋᐊᕈᑎᓄᑦ:
- ᑐᙵᕝᕕᒃ #1: ᐱᕚᓪᓕᕆᐊᕐᓗᒋᑦ ᓄᓇᓕᒥ−ᐊᑐᖅᑕᐅᔪᑦ ᐱᓕᕆᐊᒃᓴᐃᑦ ᐱᔨᑦᑎᕋᖅᑐᑦ ᓄᓇᒥ ᒪᒥᓴᐃᓂᕐᒧᑦ ᑕᒻᒫᕐᕖᑦ ᐊᒻᒪᓗ ᐊᓯᖏᑦ ᓄᓇᓕᒥ ᐃᑲᔪᖅᑕᐅᓂᖅ;
- ᑐᙵᕝᕕᒃ #2: ᓱᖏᐅᑎᓂᕐᒧᑦ ᐋᓐᓂᐊᕐᕕᒃ ᓇᔪᕐᕕᒃ ᓄᓇᕗᒻᒥ ᐱᔨᑦᑎᕋᕐᓂᐊᕐᓗᑎᒃ ᓄᓇᓕᒥ ᐃᓅᓕᓴᐅᑎᓂᕐᒧᑦ ᐊᒻᒪᓗ ᐋᓐᓂᐊᕐᕕᒻᒦᙱᑦᑐᓄᑦ ᐱᔨᑦᑎᕋᐅᑎᓂᒃ; ᐊᒻᒪᓗ
- ᑐᙵᕝᕕᒃ #3: ᓴᖅᑭᑎᑦᑎᕙᓪᓕᐊᓂᖅ ᐃᓄᐃᑦ ᐱᓕᕆᐊᒃᓴᓕᕆᓂᕐᒧᑦ ᐃᖅᑲᓇᐃᔭᖃᑎᖃᕈᓐᓇᖅᑐᑦ ᑲᒪᒃᑭᓐᓄᑦ ᓄᓇᒥ ᒪᒥᓴᐃᓂᕐᒧᑦ ᑕᒻᒫᕐᕕᒃ ᐊᒻᒪᓗ ᓄᓇᕗᑦ ᓱᖏᐅᑎᓂᕐᒧᑦ ᐋᓐᓂᐊᕐᕕᒃ.
- ᒪᑭᒋᐊᖅᑕ ᐃᓄᐃᑦ ᐱᓕᒻᒪᒃᓴᕐᓂᕐᒧᑦ ᑎᒥᖁᑎᒃᑯᑦ ᑐᓂᓯᔪᑦ $11.8 ᒥᓕᐊᓐ ᐃᑲᔫᓯᒋᓂᐊᕐᓗᒋᑦ ᐃᓄᐃᑦ ᐅᖃᐅᔾᔪᖅᑕᐅᓂᕐᒧᑦ ᐊᓪᓚᕝᕕᒃ ᐃᓚᖃᖅᑐᑦ ᐃᓄᐃᑦ ᐱᓕᕆᐊᒃᓴᖏᓐᓄᑦ ᓴᖅᑭᑎᑦᑎᕙᓪᓕᐊᓂᖅ ᑐᙵᕝᕕᒃ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖁᑎᖏᑦ ᑐᓂᓯᔪᑦ $5 ᒥᓕᐊᓐᓂᒃ ᐊᑕᐅᓯᒃᑯᑦ ᑐᓂᕐᕈᓯᐊᑦ ᓇᓗᓇᐃᔭᐃᓂᐊᕐᓗᑎᒃ ᐃᓄᐃᑦ ᐃᓚᒋᔭᐅᓂᖏᑦ ᐱᓕᕆᐊᒃᓴᓄᑦ ᓴᖅᑭᑎᑕᐅᔪᑦ ᓄᓇᕗᒻᒥ ᓱᖏᐅᑎᓂᕐᒧᑦ ᐋᓐᓂᐊᕐᕕᒃ ᐊᒻᒪᓗ ᓇᓗᓇᐃᔭᐃᓂᐊᕐᓗᑎᒃ ᓴᙱᔪᒃᑯᑦ ᐃᓚᒋᔭᐅᔪᓐᓇᕐᓂᕐᒧᑦ ᐱᒋᐊᖅᑳᖅᑎᓐᓇᒋᑦ ᐊᒻᒪᓗ ᐱᐊᓂᒃᑎᓪᓗᒋᑦ ᓄᓇᓕᒥ−ᐊᑐᖅᑕᐅᔪᒃᑯᑦ ᒥᐊᓂᕆᔭᐅᓂᖅ.
- ᑕᒪᓐᓇ ᑐᓴᒐᒃᓴᖅ ᐱᒻᒪᕆᐅᔪᖅ ᐆᑦᑐᑎᒋᔭᖅ ᐊᔾᔨᒌᙱᑦᑐᓂ ᓄᑖᓂᒃ ᐃᓱᒪᒃᓴᖅᓯᐅᕐᓂᕐᒧᑦ ᐱᓕᕆᐊᕆᔭᐅᔪᑦ ᓄᓇᕗᑦ ᐃᑲᔪᖅᑎᒌᓐᓂᕐᒧᑦ ᑲᑎᒪᔨᑦ ᐋᓐᓂᐊᖅᑐᓕᕆᓂᕐᒧᑦ ᓴᖅᑭᑎᑕᐅᕙᓪᓕᐊᔪᓄᑦ ᐃᓄᐃᑦ ᐱᔾᔪᑎᒋᔭᖏᑎᒍᑦ ᐱᕙᓪᓕᐊᓂᕐᒧᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᒻᒪᓗ ᐃᓅᑦᑎᐊᕐᓂᕐᒧᑦ.
- ᑕᒪᓐᓇ ᐃᓱᒪᒃᓴᖅᓯᐅᕐᓂᖅ ᐃᑲᔫᑎᖃᕐᓂᐊᖅᑐᖅ ᐃᓄᓐᓄᑦ ᑐᑭᖃᖅᑐᒃᑯᑦ ᐊᒻᒪᓗ ᐱᒋᐊᕈᑎᒋᔭᐅᔪᑦ ᐊᔾᔨᖃᙱᑦᑐᒃᑯᑦ ᐃᓱᒪᒃᑯᑦ ᐃᓅᑦᑎᐊᕐᓂᕐᒧᑦ ᐱᔭᐅᔭᕆᐊᖃᖅᑐᓂᒃ ᐊᒻᒪᓗ ᓯᕗᓪᓕᐅᑎᑕᐅᔭᕆᐊᖃᖅᑐᓄᑦ ᓄᓇᕗᑦ ᓄᓇᓕᖏᓐᓂ, ᐊᒻᒪᓗ ᐃᓕᖅᑯᓯᒃᑯᑦ .ᐱᒻᒪᕆᐅᔪᒃᑯᑦ ᐱᒋᐊᕐᓂᖅ ᓇᓗᓇᐃᔭᐃᔭᐅᔪᑦ ᓴᙱᔪᒃᑯᑦ ᐃᑲᔪᖅᑎᒌᓐᓂᕐᒧᑦ ᓄᓇᓕᒥ ᐊᒻᒪᓗ ᓄᓇᕗᑦ ᐃᓗᐊᓂ.
ᐃᓚᒋᔭᐅᔪᑦ ᖃᕋᓴᐅᔭᒃᑯᑦ ᑎᑎᕋᖅᓯᒪᔪᑦ
ᑲᓇᑕᒥ ᐃᓄᐃᑦ ᐃᒻᒥᓃᖅᑕᐃᓕᒐᓱᐊᕐᓂᕐᒧᑦ ᐸᕐᓇᐅᑎᑦ
ᖃᐅᔨᒋᐊᕐᕕᔅᓴᐃᑦ
ᑐᑭᓯᐊᒃᑲᓐᕈᑎᒃᓴᐃᑦ ᒐᕙᒪᑦ ᓄᓇᕗᑦ, ᑐᓴᒐᒃᓴᓕᕆᔨ ᖃᐅᔨᒋᐊᕐᕕᒃ:
ᑯᕆᔅ ᐳᒡᓕᐊ
ᐃᑲᔪᖅᑎ/ᐃᓱᒪᑕᖅ ᑐᓴᒐᒃᓴᓕᕆᔨᑦ
ᐋᓐᓂᐊᖅᑐᓕᕆᔨᒃᑯᑦ ᐊᓪᓚᕝᕕᒃ
ᒐᕙᒪᑦ ᓄᓇᕗᑦ
867-975-5949
ᑐᑭᓯᐊᒃᑲᓐᕈᑎᒃᓴᐃᑦ ᓄᓇᕗᑦ ᑐᙵᕕᒃ ᑎᒥᖁᑎᖏᑦ, ᑐᓴᒐᒃᓴᓕᕆᔨ ᖃᐅᔨᒋᐊᕐᕕᒃ :
ᒪᓚᔭ ᒥᑭᔪᒃ
ᐊᐅᓚᑦᑎᔨ ᑐᓴᒐᒃᓴᓕᕆᔨᒃᑯᑦ ᐱᓕᒻᒪᒃᓴᖅᑎᑕᐅᔪᖅ
ᓄᓇᕗᑦ ᑐᙵᕕᒃ ᑎᒥᖁᑎᖏᑦ
ᐅᖄᓚᐅᑎ: 867-975-4900/ᐊᑭᖃᙱᑦᑐᒃᑯᑦ ᐅᖄᓚᐅᑎ: 1-888-646-0006
mmikijuk@tunngavik.com
www.tunngavik.com
ᑐᑭᓯᐊᒃᑲᓐᕈᑎᒃᓴᐃᑦ ᒐᕙᒪᑦ ᑲᓇᑕ, ᑐᓴᒐᒃᓴᓕᕆᔨ ᖃᐅᔨᒋᐊᕐᕕᒃ:
ᐋᓐᑐᐃᓐ ᑐᕌᒻᓖ
ᑐᓴᒐᒃᓴᓕᕆᓂᖅ ᑎᑎᕋᖅᑎ
ᐊᓪᓚᕝᕕᒃ ᐅᐱᓐᓇᖅᑐᖅ ᑖᓂᐅᓪ ᕙᓐᑕᓪ
ᒥᓂᔅᑕ ᐃᓄᓕᕆᔨᑐᖃᒃᑯᑦ
819-953-1153
ᑐᓴᒐᒃᓴᓕᕆᓂᕐᒧᑦ ᐃᓚᒌᑦ
ᐊᑭᑐᔫᑎᑦ−ᓄᓇᖃᖅᑳᖅᓯᒪᔪᑦ ᐃᓚᒌᑦ ᐊᒻᒪᓗ ᐃᓄᓕᕆᔨᑐᖃᒃᑯᑦ ᑲᓇᑕ
819-934-2302
RCAANC.media.CIRNAC@canada.ca
ᖃᐅᔨᒋᐊᕐᕕᒋᔭᐅᓂᕐᒧᑦ ᐃᓚᒋᔭᐅᒋᑦ
ᐃᓚᒋᔭᐅᖃᑕᐅᒋᑦ ᐅᖃᐅᓯᕆᔭᐅᔪᑦ ᐅᑭᐅᖅᑕᖅᑐᒥ:
ᑐᐃᑐ (Twitter): GovCan_North
ᕖᔅᐳᒃ (Facebook): GovCan – North
ᐊᑎᓕᐅᕈᓐᓇᖅᑐᑎᑦ ᐃᓚᒋᔭᐅᓂᕐᒧᑦ ᑐᓂᔭᐅᓗᑎᑦ ᑐᓴᒐᒃᓴᓕᕆᓂᕐᒧᑦ ᓴᖅᑭᑎᑕᐅᔪᑦ ᐊᒻᒪᓗ ᐅᖃᐅᓯᕆᔭᐅᓄᑦ ᐅᕘᓇ RSS feeds. ᑐᑭᓯᐊᒃᑲᓐᓂᕐᓂᖅ ᐅᕝᕙᓘᓐᓃᑦ ᐊᑎᓕᐅᕐᓗᑎᑦ, ᐅᐸᓪᓗᒍ www.isc.gc.ca/RSS.
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: