ᒥᓂᔅᑕ ᕚᓐᑎᐅᓪ ᑐᙵᓱᒃᑎᑦᑎᕗᖅ ᐱᓕᕆᖃᑎᒌᓂᒃ ᐅᑭᐅᖅᑕᖅᑐᒥᑦ ᐃᓕᓐᓂᐊᒃᑲᓐᓂᕐᓂᕐᓂᒧᑦ ᑭᖑᓪᓕᖅᐹᖅᓯᐅᑎᓂᒃ ᐅᓂᒃᑳᓂᒃ

ᒫᔾᔨ 31, 2022 – ᐋᑐᕚ, ᐋᓐᓂᑎᐅᕆᐆᑉ, ᓇᓗᓇᐃᖅᑕᐅᓯᒪᙱᑦᑐᖅ ᐱᖅᑯᓯᒃᑯᑦ ᐋᓪᒑᓐᑯᐃᓐ ᓄᓇᖁᑎᖏᓐᓂᑦ – ᑖᓐᓇ ᒥᓂᔅᑕ ᐅᑭᐅᖅᑕᖅᑐᓕᕆᓂᕐᒧᑦ, ᑖᓂᐅᓪ ᕚᓐᑎᐅᓪ, ᐅᓂᒃᑳᖅᑲᐅᔪᖅ ᐅᑯᓂᖓ ᐅᓪᓗᒥ:

"ᐱᓕᕆᔾᔪᑎᓪᓗᒋᑦ ᒐᕙᒪᖏᑦ ᑲᓇᑕᐅᑉ, ᖁᕕᐊᓱᒃᑐᖓ ᑐᙵᓱᒃᑎᓪᓗᒋᑦ ᐅᓂᒃᑳᑦ ᐃᓛᒃᑰᖅᑐᑦ ᐱᓕᕆᖃᑎᒌᑦ ᑕᒪᑐᒧᖓ ᐅᑭᐅᖅᑕᖅᑐᒥ ᐃᓕᓐᓂᐊᑲᓐᓂᕐᓂᕐᒧᑦ, ᐱᓕᕆᐊᒃᓴᖃᖃᑎᒌᒍᑕᐅᔪᖅ: ᐅᑭᐅᖅᑕᖅᑐᒥ ᓂᐲᑦ, ᐅᑭᐅᖅᑕᖅᑐᒥ ᐋᖅᑭᒍᑎᒃᓴᑦ – ᐅᓂᒃᑳᑦ ᐱᓕᕆᖃᑎᒌᓂᙶᖅᑐᑦ ᐅᑭᐅᖅᑕᖅᑐᒥᑦ ᐃᓕᓐᓂᐊᕆᐊᒃᑲᓐᓂᕐᓂᕐᒧᑦ ᐃᓕᓐᓂᐊᕐᓂᕐᒧᑦ. (ᐊᑐᐃᓐᓇᐅᙱᑦᑐᖅ ᐃᓄᒃᑎᑑᖅᑐᓂᑦ)

ᖁᔭᒋᕙᒃᑲ ᐃᓚᒋᔭᐅᔪᓗᒃᑖᑦ ᐱᓕᕆᖃᑎᒌᓂᑦ ᓯᕗᓕᐅᖅᑎᐅᓂᖏᓐᓄᑦ, ᐊᖏᖅᓯᒪᓂᖏᓐᓄᑦ ᐊᒻᒪᓗ ᐊᑑᑎᖃᓪᓚᕆᑦᑐᑦ ᐃᑲᔫᑏᖏᑦ ᖃᐅᔨᓇᓱᒃᑎᓪᓗᒋᑦ ᓄᑖᙳᖅᓯᒪᔪᓂᒃ ᐋᖅᑭᖑᑎᓂᒃ ᐱᐅᓯᒋᐊᖅᑕᐅᖁᓪᓗᒋᑦ ᐃᓕᓐᓂᐊᕐᓂᕐᒧᑦ ᐊᑐᐃᓐᓇᐅᔪᖅ ᐊᒻᒪᓗ ᖃᐅᔨᔭᐅᔪᑦ ᑲᓇᑕᐅᑉ ᐅᐊᖕᓇᖓᓂᑦ ᐊᒻᒪ ᐅᑭᐅᖅᑕᖅᑐᒥ. ᑕᒪᓐᓇ ᐱᓕᕆᓚᐅᖅᑕᖓᑦ ᐊᔪᕐᓇᖅᑐᖅᓯᐅᖅᑐᒻᒪᕆᐅᑎᓪᓗᒋᑦ ᑲᓇᑕᒥᐅᓗᒃᑖᓄᑦ, ᑭᓯᐊᓂ ᐊᔪᕐᓇᓗᐊᓪᓚᕆᖕᓂᖅᓴᐅᑎᓪᓗᒍ ᐃᓕᓐᓂᐊᖅᑐᓕᕆᓂᕐᒧᑦ, ᐃᒪᐃᓐᓂᖓᓄᑦ ᓄᕙᒡᔪᐊᕐᓇᖅ-19 ᓅᑎᑦᑎᓚᐅᕐᒪᑦ ᐃᓕᓐᓂᐊᕐᓂᕐᓂᒃ ᖃᕆᓴᐅᔭᒃᑯᖔᖅ, ᐊᔪᕐᓇᖅᑐᖅᓯᐅᖅᖢᑎᒡᓗ ᐊᑐᕋᓱᖕᓂᒃᒥᒃ ᑕᒪᒃᑯᓂᖓ.

ᐱᕕᖃᕐᓂᑦᑎᓐᓂᑦ ᖁᔭᓕᔪᒪᖕᒥᔪᒍᑦ ᐊᒥᓱᓂᒃ ᐱᖃᖃᑕᐅᔪᓂᒃ, ᐱᖃᓯᐅᑎᓪᓗᒋᑦ ᑕᐃᒃᑯᐊ ᐃᓚᐅᓚᐅᖅᑐᑦ ᑲᑎᒪᖃᑎᖃᖃᑦᑕᕐᓂᕐᓂᑦ, ᐅᑭᐅᖅᑕᖅᑐᒥᑦ ᓄᓇᐃᑦ ᐊᕕᒃᑐᖅᓯᒪᔪᑦ ᒐᕙᒪᖏᑦ, ᓄᓇᖃᖅᑳᖅᓯᒪᔪᑦ ᐱᓕᕆᖃᑎᒋᔭᐅᔪᑦ ᐊᒻᒪᓗ ᑎᒥᐅᔪᑦ, ᓯᕗᓕᖅᑏᑦ ᐃᓕᓐᓂᐊᖅᑐᓕᕆᓂᕐᒥᑦ ᐅᑭᐅᖅᑕᖅᑐᒥᑦ ᐱᔪᓐᓇᕐᓂᖃᕐᕕᐅᔪᒥᑦ ᐊᒻᒪᓗ ᐊᓯᖏᓐᓂᑦ, ᐊᒻᒪᓗ ᐊᓯᖏᑦ ᐅᑭᐅᖅᑕᖅᑐᖅ ᐊᒻᒪᓗ ᐅᑭᐅᖅᑕᖅᑐᒥ ᐊᑐᐊᒐᕐᓄᑦ ᐋᖅᑭᒃᓱᐃᓂᕐᒧᑦ ᐱᓕᕆᖃᑎᒋᔭᐅᔪᑦ, ᐃᑲᔪᖅᓯᒪᔪᑦ ᐃᑲᔪᖅᓱᖅᑕᐅᓪᓗᑎᒡᓗ ᑕᒪᑐᒧᖓ ᐱᓕᕆᐊᒧᑦ.

ᐊᑐᓂ ᑲᓇᑕᒥᐅᑕᑦ ᐊᑐᕈᓐᓇᓪᓗᐊᕐᒪᑕ ᐱᐅᔪᒥᒃ ᐃᓕᓐᓂᐊᕐᓂᕐᒥᒃ ᐊᒻᒪᓗ ᐊᔪᕈᓐᓃᖅᑕᐅᕙᒃᑐᓂᒃ ᐱᓕᒻᒪᒃᓴᑎᑕᐅᓂᕐᒧᑦ ᓇᓂᕐᒥᐅᑕᐅᒐᓗᐊᕈᑎᒃ. ᐅᑭᐅᖅᑕᖅᑐᒥᑦ ᓄᓇᖃᖅᑐᑦ, ᐱᓗᐊᖅᑐᒥᒃ ᓄᓇᖃᖅᑳᖅᓯᒪᔪᑦ, ᐊᑐᖃᑦᑕᖅᓯᒪᔪᑦ ᐊᔾᔨᒌᒃᑎᑕᐅᙱᓐᓂᕐᒥᒃ ᐃᓕᓐᓂᐊᖅᑐᓕᕆᓂᕐᒥᑦ ᐊᒻᒪ ᐊᔪᕈᓐᓃᖅᑕᐅᕙᒃᑐᑦ ᐱᓕᒻᒪᒃᓴᑎᑕᐅᓂᖏᓐᓄᑦ ᐊᑯᓂᐅᓗᐊᖅᑐᖅ.

ᑖᓐᓇ ᐅᓂᒃᑳᖅ ᓇᓗᓇᐃᔭᐃᔪᖅ ᐊᔪᕐᓇᕈᑕᐅᔪᓂᒃ ᐊᒻᒪᓗ ᑐᓗᕈᑕᐅᕙᒃᑐᓂᒃ ᐱᑕᖃᖅᑐᓂᒃ ᐅᑭᐅᖅᑕᖅᑐᒥᑦ ᐃᓕᓐᓂᐊᒃᑲᓐᓂᕈᒪᓂᕐᒧᑦ ᐊᒻᒪᓗ ᓇᓗᓇᐃᔭᐃᓪᓗᓂ ᐱᒻᒪᕆᐅᔪᓂᒃ ᓴᙱᓂᐅᔪᓂᒃ ᓄᑖᓂᒡᓗ ᐊᑐᐃᓐᓇᐅᔪᓂᒃ ᐱᖅᑯᓯᕐᒧᑦ ᐊᒃᑐᐊᔪᓂᒃ, ᐅᑭᐅᖅᑕᖅᑐᒦᒃᑐᓂᒃ, ᐅᑭᐅᖅᑕᖅᑐᒧᑦ-ᑐᕌᖓᔪᓂᒃ ᐊᒻᒪᓗ ᐅᑭᐅᖅᑕᖅᑐᒥᑦ−ᓯᕗᒃᑲᖅᑕᖅᑕᐅᔪᑦ ᐃᓕᓐᓂᐊᕆᐊᒃᑲᓐᓂᕐᓂᕐᒧᑦ ᐱᓕᕆᐊᒃᓴᖅ ᐊᒻᒪᓗ ᐃᓕᓐᓂᐊᕖᑦ.

ᑖᓐᓇ ᐅᓂᒃᑳᖅ ᐊᑐᐃᓐᓇᕈᐃᔪᖅ ᖃᐅᔨᒪᔨᑕᓪᓚᕆᖕᓂᒃ ᐅᖃᐅᔾᔨᒋᐊᕈᑎᓂᒃ ᐃᑲᔪᕐᓂᐊᖅᑐᑦ ᒐᕙᒪᖏᓐᓂᒃ ᑲᓇᑕᐅᑉ – ᐱᓕᕆᖃᑎᒋᓗᒋᑦ ᓄᓇᖃᖅᑳᖅᓯᔪᑦ, ᐅᑭᐅᖅᑕᖅᑐᒥᑦ ᓄᓇᐃᑦ ᐊᑯᒃᑐᖅᓯᒪᔪᑦ ᑲᓇᑕᒥᓗ ᓄᓇᐃᑦ ᐊᕕᒃᑐᖅᓯᒪᔪᑦ ᐱᓕᕆᖃᑎᒌᑦ, ᐊᒻᒪᓗ ᐃᓕᓐᓂᐊᕐᕖᑦ ᐅᑭᐅᖅᑕᖅᑐᑦ ᐊᒻᒪᓗ ᐅᑭᐅᖅᑕᖅᑐᒥᑦ – ᐅᖃᐅᓯᖃᕐᓗᑎᒃ ᑐᓗᖅᑕᕈᑕᐅᕙᒃᑐᓂᒃ ᐊᒻᒪᓗ ᐋᖅᑭᒍᑕᐅᔪᓐᓇᖅᑐᓂᒃ ᐊᑐᐃᓐᓇᖃᖁᓪᓗᒋᑦ ᐅᑭᐅᖅᑕᖅᑐᒥ ᐊᑐᕈᓐᓇᕐᓂᖅᓴᐅᓕᕐᓗᑎᒃ ᓄᓇᒥᖕᓂᒃ ᐱᐅᓪᓚᕆᒃᑐᓂᒃ ᐃᓕᓐᓂᐊᕐᓂᕐᓂᒃ, ᐃᓕᓐᓂᐊᖏᓐᓇᕐᓂᕐᓂᒃ ᐊᒻᒪᓗ ᐊᔪᕈᓐᓃᖅᑕᐅᓲᑦ ᐱᕙᓪᓕᐊᖁᓪᓗᒋᑦ ᐊᑐᐃᓐᓇᐅᑎᑕᐅᔪᑦ, ᐊᒻᒪᓗ ᐱᖅᑯᓯᒃᑯᑦ ᐊᒃᑐᐊᔪᑦ ᖁᕝᕙᓯᖕᓂᖅᓴᒧᑦ ᐃᓕᓐᓂᐊᒃᑲᓐᓂᕈᑏᑦ, ᐱᖃᓯᐅᑎᓪᓗᒋᑦ ᐱᑕᖃᕐᓂᖅᓴᐅᓕᕐᓗᑎᒃ ᓄᓇᖃᖅᑳᖅᓯᒪᔪᓂᖔᖅᑐᑦ ᖃᐅᔨᒪᓃᑦ ᐊᔪᕈᓐᓃᖅᑕᐅᓲᓪᓗ.

ᒐᕙᒪᖏᑦ ᑲᓇᑕᐅᑉ ᑐᙵᓴᐃᔪᑦ ᖃᐅᔨᔭᐅᓪᓚᕆᒃᑐᓂᒃ ᐱᓕᕆᖃᑎᒌᑦ ᐅᓂᒃᑳᖏᓐᓂᒃ ᐊᒻᒪᓗ ᐃᓱᒪᒃᓴᖅᓯᐅᕈᑕᐅᑦᑎᐊᕐᓂᐊᖅᖢᑎᒃ ᐊᑕᖏᓗᒃᑖᖅᓯᒪᔪᓂᒃ ᐱᓕᕆᖁᔨᓂᐅᔪᓂᒃ. ᓱᖅᑯᐃᓇᑦᑎᐊᖅᑐᑦ ᒫᓐᓇ ᑕᒪᒃᑯᐊ ᒐᕙᒪᐅᕗᑦ – ᐃᓚᒋᔭᐅᔪᓪᓘᓐᓃᑦ ᐃᓕᓐᓂᐊᕐᑰᑦ – ᓇᓕᒨᑎᓕᕈᓐᓇᙱᒻᒪᑕ ᑕᒪᒃᑯᓄᖓ ᐊᔪᕐᓇᖅᑐᓄᑦ ᐃᓄᑐᐊᖑᓗᑎᒃ. ᑕᐃᒪᐃᑦᑐᑦ ᐱᓕᕆᐊᑦ ᐅᑭᐅᖅᑕᖅᑐᑦ ᐊᒻᒪᓗ ᐅᑭᐅᖅᑕᖅᑐᒥᑦ ᐊᑐᒐᕐᓄ ᐋᖅᑭᒃᓱᖅᑕᐅᓯᒪᔪᑦ ᓴᖅᑭᑕᐅᓚᐅᖅᑐᑦ ᑖᒃᑯᐊ ᐱᔾᔪᑕᐅᓪᓗᑎᒃ ᐱᓕᕆᖃᑎᒌᑦ. ᐱᓕᕆᖃᑎᒋᓗᒋᑦ ᐱᓕᕆᖃᑎᒌᑦ, ᒐᕙᒪᖏᑦ ᑲᓇᑕᐅᑉ ᐱᕙᓪᓕᐊᑎᑦᑎᑏᓐᓇᕐᓂᐊᖅᑐᑦ ᓄᑖᓂᒃ ᐱᒋᐊᖅᑕᐅᓂᐊᖅᑐᓂᒃ ᐊᒻᒪᓗ ᐱᕕᖃᓕᖅᑎᑦᑎᓗᑎᒃ ᐱᐅᓯᒋᐊᖅᑕᐅᖁᓪᓗᒋᑦ ᒫᓐᓇ ᐃᓕᓐᓂᐊᒐᒃᓴᖅ ᑎᑭᐅᑎᔪᓐᓇᖁᓪᓗᑕ ᑐᕌᒐᖃᑎᒌᒍᑕᐅᔪᓂᒃ.

ᑲᑎᒪᖃᑎᖃᖃᑦᑕᕐᓂᒃᑯᑦ ᐊᒻᒪᓗ ᐱᓕᕆᖃᑎᖃᖃᖅᑕᕐᓂᒃᑯᑦ ᐋᖅᑭᒃᑕᐅᕙᓪᓕᐊᔪᓄᑦ ᐱᓕᕆᖃᑎᒌᓄᑦ, ᑲᔪᓯᕙᓪᓕᐊᓕᕇᖅᑐᒍᑦ ᑲᒪᒋᓇᓱᒃᖢᒋᑦ ᐃᓚᖏᑦ ᐱᓇᐃᓗᑕᑦ ᑕᖅᑭᑕᐅᓯᒪᔪᑦ ᐅᓂᒃᑳᒥᑦ.

ᑲᔪᓰᓐᓇᖅᖢᑕ ᐱᓕᕆᔾᔪᓰᑦ ᐱᕙᓪᓕᐊᑏᓐᓇᖅᑕᕗᑦ ᑎᑭᐅᒪᖃᑎᒌᓗᖁᓪᓗᒋᑦ ᐃᓕᓐᓂᐊᖅᑐᓕᕆᓂᖅ ᐊᒻᒪᓗ ᐊᔪᕈᓐᓃᖅᑕᐅᕙᒃᑐᓄᑦ ᐱᓕᒻᒪᒃᓴᓃᑦ ᐱᑕᖃᖅᐸᒌᖅᑐᑦ ᑖᒃᑯᓇᓂ ᐅᑭᐅᖅᑕᖅᑐᒥᑦ ᐊᒻᒪᓗ ᑲᓇᑕᓗᒃᑖᒥᑦ ᐃᑲᔪᖅᓯᖁᓪᓗᒋᑦ ᐋᖅᑭᒍᑎᒃᓴᓄᑦ ᓯᕗᒃᑲᖅᑕᖅᑕᐅᓗᑎᒃ ᐅᑭᐅᖅᑕᖅᑐᒥᐅᓄᑦ, ᐅᑭᐅᖅᑕᖅᑐᒨᓕᖓᖁᓪᓗᒋᑦ. ᑕᒪᓐᓇ ᐊᔾᔨᐅᙱᑦᑑᓂᐊᖅᑐᑦ ᐱᔭᐅᔭᕆᐊᓕᒃ ᐅᖓᓯᒃᑐᓄᑦ ᐊᒻᒪᓗ ᐅᑭᐅᖅᑕᖅᑐᒥᑦ ᓄᓇᖃᖅᑳᖅᓯᒪᔪᑦ ᓄᓇᖃᖅᑳᖅᓯᒪᑎᑦᑐᓪᓗ ᓄᓇᓕᖏᑦ ᑎᑭᐅᒪᔭᐅᖁᓪᓗᒋᑦ ᐊᒻᒪᓗ ᑖᒃᑯᐊ – ᐱᓕᕆᖃᑎᒌᒃᑐᑦ ᐋᖅᑭᒃᓱᖅᑕᐅᓂᖏᓐᓄᑦ – ᑲᒪᐃᓐᓇᕐᓂᐊᖅᑐᑦ ᐅᑭᐅᖅᑕᖅᑐᑦ ᐊᒻᒪᓗ ᐅᑭᐅᖅᑕᖅᑐᒥ ᐊᑐᐊᒐᕐᓄᖅ ᐋᖅᑭᒃᓱᖅᑕᐅᓯᒪᔪᑦ ᑎᑭᑕᐅᓇᓱᐊᖅᑐᑦ ᐱᓇᓱᐊᖅᑕᓪᓗ."

ᑐᓴᒃᑲᓐᓂᕈᒪᒍᕕᑦ, ᐱᕙᓪᓕᐊᔪᓕᕆᔩᑦ ᐅᖃᖃᑎᖃᕈᓐᓇᖅᑐᑦ:

ᑲᐃᔪ ᐋᓚᓐ (Kyle Allen)
ᑐᓴᕋᔅᓴᓂᑦ ᑎᑎᕋᖅᑎ
ᑎᑎᕋᕐᕕᖓᑦ ᐅᐱᓐᓇᖅᑑᑉ ᑖᓂᐅᓪ ᕚᓐᑎᐅᓪ
ᒥᓂᔅᑕ ᐅᑭᐅᖅᑕᖅᑐᓕᕆᓂᕐᒧᑦ
819-953-1153

ᐱᕙᓪᓕᐊᔪᓕᕆᓂᕐᒧᑦ ᐱᓕᕆᔨ
ᑲᓇᑕᒥ-ᓄᓇᖃᖅᑳᖅᑐᓕᕆᓂᕐᒧᑦ ᐊᒻᒪ ᐅᑭᐅᖅᑕᖅᑐᕐᒥᐅᑕᓕᕆᓂᕐᒧᑦ ᑲᓇᑕᒥ
819-934-2302
RCAANC.media.CIRNAC@sac-isc.gc.ca